Почитуван народе, драги браќа и сестри,
Поради неточните и нецелосни информации што вчера се појавија во јавноста во врска со мене, сакам јасно да ја кажам вистината.
Пред околу две недели, официјално бев известен дека пратеникот на ДУИ, г. Мурати, ќе ми постави прашање. По тоа известување, присуствував на собраниската седница и бев присутен и подготвен да одговорам.
Меѓутоа, во времето додека бев присутен на седницата, г. Мурати не ми постави никакво прашање.
За вчерашната седница, пак, однапред го известив Собранието дека поради оправдани причини нема да можам да присуствувам.
И покрај тоа, на седницата на која не присуствував ми беше поставено прашање, а потоа се обиде да се создаде перцепција дека „министерот не дојде во Собранието и не одговори“.
Работата всушност е многу јасна:
Кога беше најавено дека ќе ми постави прашање, јас бев во Собранието; тој не постави прашање.
На денот кога однапред известив дека нема да можам да присуствувам, тој постави прашање.
Според мое мислење, фактот што г. пратеникот прибегнува кон ваков начин на постапување во седница на која ние не сме присутни остава впечаток дека, наместо да поставува прашања, се обидува да создава дневно-политичка тема.
Сакам да биде јасно дека ние никогаш не сме бегале, ниту ќе бегаме, ниту од одговорност, ниту од прашања. Подготвени сме јасно да одговориме на секое прашање што ќе ни биде поставено во Собранието.
Но, нашиот народ исто така гледа дека, наместо да се бараат решенија за вистинските проблеми на турската заедница, со секоја прилика се обидува себеси да се стави во центарот на вниманието со празни зборови; а на неговите напори да ме натера да го сфатам сериозно, напаѓајќи ме со клевети и лаги, и на состојбата во која самиот се доведе, можам само да се сожалувам.
Затоа што јас уште од самиот почеток кажав: не сметам за искрен фактот што лице кое во текот на целиот свој живот се обидувало да ѝ наштети на ТДП, кое не ја добило поддршката на турската заедница и не е избрано со волјата на Турците, денес се обидува да води политика преку турската заедница.
Одговорот на тоа кој ја претставува волјата на турската заедница го дадовме уште вчера на гласачките места. Без поддршката на Турците, не може да се води политика во име на Турците.
Ваквите изјави, кои се далеку од искреност и се даваат единствено со цел да се биде видлив и да се создаде тема во јавноста, ниту ѝ користат на заедницата, ниту нудат решение за вистинските проблеми на државата.
Затоа, со жалење морам да кажам дека, што и да направи, ние нема да го сфатиме сериозно и тој не може да биде мој соговорник.
Додека ние зборуваме преку нашите дела, тој со викање, лаги и клевети всушност го покажува своето вистинско лице. А тоа лице ние го знаеме со години.
Затоа, наш приоритет не е создавање врева со зборови, туку изнаоѓање решенија за проблемите на нашиот народ.
Во однос на работата на нашето Министерство, како и досега, така и во иднина, на нашиот ценет народ ќе му бидат дадени сите потребни информации со целосна транспарентност.
Сите ве поздравувам со почит и љубов.
← Вести
